Kushwali kwambone vankuulula kulinganianga na lubani lwakunung’ila lwavashimupa Yeova kenga shadaka ku ing’ande yakulipudidya. (Di. 141:2) Wetu tukashwali, tunamwaulila Tatagwetu wa kuwa mwatunagwaladyedya na tunannambwalela kwa vinu uti vyatutandadile. Namomo tunammalangangila mangaikangilo letu na vyatulota, na tunanjugwa pakulota atupwashele. Bai tukatenda davo, tundalodya kenga umbodi wetu namu nae unkuvanavo mana. Mwiu, kushwali kwa paumbala na mungwipi kenga munatandakela muding’ande dyetu dya Utawala kunkuvanavo mana namene. Kanji Yeova andapuwanga namene patungula ntima wetu pakulota kutangola namu nae muwakati woe tukava gweka!—Mikon. 15:8.

LOLA VIDEO KUSHWALI KUNKUVANAVO MANA KWANGU, NA BADAE JANG’ULA VYAKUDYA VYAATIKA:

• Dinudyo shani dyapatile nung’unumunu Johnson mushimadengo shimwe Yeova?

• Nkati mushingumi shake, nung’unumunu Johnson alodídye dashi kenga kushwali kundivanavo mana kwake?

• Ulipundishidye nyamani na mpano wa nung’unumunu Johnson?