Madi a Ibibiliya ni nyamani? Madi a Ibibiliya ni madi lavagalavalidye mu Kupindikuligwa kwa shilambo shaambi ya valalyenge. Lanavo vavika padyoko padyoko ikaululila mu dinangodi dyoe. Shinu shimo shinapwashela madi a Ibibiliya ni lanavo lankutumila madi lakuvilingananga a vanu vatangola mu Ibibiliya. Malove vandashomya na kwidapedya na vaodedya ntenga wamu Ibibiliya pakulota wigwinike shana.

Vanu voe vankupatangila dashi mana madi a Ibibiliya? Voe vanaigwilila kula liduva madi a Ibibiliya indavanagwela mwaa landatadya lilove lyake Nnungu kuvanavo mana namene. Vanavo vandona kenga kuvaigwilila vakushomya vakuvilingananga, kundavatadya vanavo kuligwa kenga vavele nkati mu maimyo amu Ibibiliya na vandaulula kumanya shana nyamani shavandike. (Mikon. 4:5) Namomo vanji vandyuka ndona kenga kwigwilila madi a Ibibiliya kundavapwashela vanavo kumalala muntima vakaligwa kuvanavo mangaikangilo.—Di. 94:19.

Kwigwilila lilove lyake Nnungu vashomya kunkuulula kutupwashela namene mushingumi shetu. (2 Maim. 34:19-21) Ikava kenga madi a Ibibiliya lankupatikana kwa imbande au lakulingana mu inangodi yawigwa shana, da wako unkuulula kutadya kwigwilila kwa madi a Ibibiliya kula liduva kuva imbande ya shingumi shako nkati mwimumu?

LOLA VIDEO KUGALAVALI KWA MADI A IBIBILIYA—IMBANDE, NA BADAE JANG’ULA SHAKUDYA SHAATIKA:

Nyamani shikutadya kushanga kwaupande wa kugalavali kwa madi a Ibibiliya?