Indila imo yakulota vatatamunu kuulula kuvapwashela vanavavo kupata limanyilo lyake Nnungu ni kuvapwashela vanavo kupata paida ku mikutano vya Shiklistu. Ashilá shaona mwana, shaigwa, na majibu lake ku mikutano lankuulula kumpwashela kulipundisha kwaupande umwe Yeova na kuva mbodi wake wapepi. (Kumb. 31:12, 13) Ikava kenga wako ni tatamunu, ulota kuulula dashi kumpwashela mwanavo kulipundisha vyoe ku mikutano?

• Likanyalidye ngwengwe pakulota kuka ku mikutano ku ing’ande ya Utawala.—Di. 22:22

• Lambela kutumila wakati pamo na vanung’unumunu na valumbumunu ku ing’ande ya Utawala víkanava kwanjanga na baada yakumalilika mikutano.—Vabal. 10:25

• Akikisha kenga kula munu palikola ankuvanavo mabuku latumika pakulota kulipundisha ku mikutano, ata ikava mu isimu au yakwimpilimili

• Mpwashele mwanavo kulipanganiyanga pakulota kujang’ula vyakudya ku mikutano kwa malove lake mwwene.—Mat. 21:15, 16

• Tangola wambone kwaupande wa mikutano na vinu vyatulipundisha kwanavo

• Vapwashele vanavako kupagwa mushimadengo kenga kupyailanga ing’ande ya Utawala na kutangolanavo vanang’olo vashilinga va pashipinga

• Kuvapwashela vanavako kummandika Yeova ni lidengo likumene, na myanda vinji inkuululika kwaneka kuva shinu shakudabadabyanga. Pamo na davo, wako unkuulula kukulupila kenga Yeova andakupwashela.—Ishai. 40:29.

LOLA VIDEO VATATAMUNU, NKULUPILE YEOVA NA DIMONGO DYAKE, NA BADAE JANG’ULA VYAKUDYA VYAATIKA:

• Kudabadabanga kukile namwambukisha dashi Zack namu Leah?

  Lijubu lyako

• Mwaa shani vatatamunu ivavaikidile vakulupile dimongo dimwe Yeova?

  Lijubu lyako

• Mu dinamuna shani Zack namu Leah yavankulupidíle Yeova pakulota kutema?

  Lijubu lyako