Yeova ankulota makola uti lavenavo lipuwilo. (Di. 127:3-5; Nkúval. 9:9; 11:9) Napavedoni, wetu tunkuulula kukatoka lipuwilo lyetu kwamwaa wa vinu vitandeka mushilambo ashi na makosha latandile mulikola. Nyamani shivaikidile kutenda kula mulikola pakulota kupwashela likola kuvanavo lipuwilo?

Ntwamunu ivaikidile amupe ishima ndyagwe. (1 Pat. 3:7) Nae andatumila wakati pamo na ndyagwe. Nae andamanya vinu shani vyaulula ndyagwe kutenda na anannambwalela kwa vinu vyatenda ndyagwe pakulota kumpwashela nae pamo na likola. (Vakol. 3:15) Nae anannodya linagwaledyo na anantumbyanga.—Mikon. 31:28, 31.

Ndyamunu andalambela dinamuna dyakumpwashela ntwagwe. (Mikon. 31:12) Ndyamunu andalivika mwina na anamwigwilila ntwagwe. (Vakol. 3:18) Ndyamunu andatangola kwawambone na ntwagwe na momo akava na vanu vanji.—Mikon. 31:26.

Vatatamunu vandatumila wakati wavo pamo na vanavao. (Kumb. 6:6, 7) Vanavo vandavaulila vanavao kenga vankuvanagwaledya. (Mat. 3:17) Vakavaduma vanavo, vatatamunu vandalodya linagwaledyo na kujavanianga.—Vaep. 6:4.

Vana vanavaishimu na kuvaigwilila vatatavavo. (Mikon. 23:22) Vanavo vandavaulila vatatavavo vyavakumbukila na mwavaligwidya. Vanavao vakadumigwa na vatatavavo vandakubali na vandavaishimu.—Mikon. 19:20.

LOLA VIDEO PWASHELA KUPAGWA LIPUWILO PALIKOLA LYAKO, NA BADAE JANG’ULA SHAKUDYA SHAATIKA:

Nyamani shatandile kula munu pakulota kupwashela likola lyavo kuvanavo lipuwilo?