MWAKWANJANGIDYA MWAA
LISHOMO LYA 3
Wambone
Lilamulo líkabadilika: “Linagwaledyo ni . . . kutanana.”—1 Vakol. 13:4.
Yesu atandíle nyamani?
1. Lola VIDEO, au shomya Nshuwau 9:1-7. Badae jang’ula vyakudya vya mwina:
-
Nyamani shitandi shatandile Yesu: animponia nnume hakalola au amwaulidile mitenga vyambone?—Lola Nshuwau 9:35-38.
-
Mwaa shani kutangola kumwe Yesu panji kunintadya nnume kuva tayali pakulota kwigwilila mitenga vyambone?
Wetu tulipundisha nyamani namu Yesu?
2. Munu andavanavo lilotelo lyakwigwilila ntenga wetu akona kenga tunkumwangaikangila.
Njedye Yesu
3. Avanavo shididi. Lingangila kulivika mulyutu lya munu ajo na kumbukila mwaligwidya.
-
Lyudye doni: ‘Panji avenavo mangaikangilo shani? Shinu shani shalota kwona nae kuva shambone na shinnagwela?’ Kukumbukila davo kunakupwashela kulodya kutanana kwa kuma muntima.
-
Lodya kenga unkumwangaikangila munu kwa kwigwilila shatangola. Ikava kenga anavalanga mwashi mwaligwidya kwaupande wa shinu au kuvalanga litatisho lyapitila, haunabadili mwaa.
4. Tangola kwauwambone na kwaishima. Wako ukamwanangila shididi munu na kwaumwiu ukalota kumpwashela, unalodya ngala kwa inamuna yautangola. Ni shambone kutandola shana malove, kumbukila lidi lyako na nyema kutangola vinu vilota kunnyatila munu junji.
5. Ava wakupwashela. Lola ikava kenga inkuululika kumpwashela munu kwa vitendo. Kumpwashela munu kwa vitendo kunkuulula kungula indila ya kwambanga mwaa.
