MWAKWANJANGIDYA MWAA
LISHOMO LYA 4
Kulishapeya
Lilamulo líkabadilika: “Kula munu amwone muje kupagwa muwa mwake nae.”—Vapil. 2:3.
Paulu atandíle nyamani?
1. Lola VIDEO, au shomya Vitendo 26:2, 3. Badae jang’ula vyakudya vya mwina:
-
Paulu alodídye dashi kulishapeya kwa inamuna yashitangola namu Umu Agilipa?
-
Paulu aukíle namwing’a dashi lishangelo Yeova na maandiko lake kuleka kuling’a lishangelo jo mwene?—Lola Vitendo 26:22.
Wetu tulipundisha nyamani namu Yesu?
2. Ntenga wetu unavanagwela vanu vanji tukatangola kwa kulishapeya na kwaishima.
Njedye Paulu
3. Tangola mu inamuna ilodya ishima. Nyema kulilodya kenga unkumanya vinu uti na munu junji hashipali shamanya. Tangola kwaishima.
4. Lodya ngala kenga ashilá shaupundisha unkumya mu Ibibiliya. Lilove lya Nnungu linkuvanavo malove lalota kukamula mitima vya vanu. Tukatumila Ibibiliya, tunampwashela munu kuvanavo lipata pakulota kukulumuwa likulupililo lyake.
5. Malala. Haunakanyalidye kulodya kenga wako unkuvanavo ishaliya. Hatunalota shinu kupwatana. Lodya kulishapeya, malala na manya muwakati wakunyema palyutu. (Mikon. 17:14; Titu 3:2) Ukatangola kwauwambone, panji unkuulula kungula nnango pakulota kuvanavo mwaa wambone muliduva linji.
