MWAKWANJANGIDYA MWAA
LISHOMO LYA 5
Kulodya ishima
Lilamulo líkabadilika: “Malove enu ngwengwe ave aumonyo mùtakidile munyu.”—Vakol. 4:6.
Paulu atandíle nyamani?
1. Lola VIDEO, au shomya Vitendo 17:22, 23. Badae jang’ula vyakudya vya mwina:
-
Paulu aligwíte dashi pagwene vitendo vya didini dyakushang’apa ku Atena?—Lola Vitendo 17:16.
-
Paulu alodídye dashi ishima pashivavalangangila mitenga vyambone?
Wetu tulipundisha nyamani namu Paulu?
2. Inkuululika vanu kutwigwilila tukatandola shana nyamani shakutangola, mwakutangalela na wakati shani utuvaikidile tutangole.
Njedye Paulu
3. Tandola shana malove. Kwampano, pautangola na munu hakavele nklistu, inkuululika kubadili inamuna yakutangola kwaupande wa Ibibiliya au pauntambula Yesu.
4. Haunapajeke kunningula munu ajo. Nneke munu avalangange maoni ake. Ikava kenga ankutangola shinu shivilingananga na mapundisho amu Ibibiliya, lilaledye pakulota hamunataukanange. (Tiy. 1:19) Ukamwigwilila shana munu, unauka naulula kumanya shana maoni ake.—Mikon. 20:5.
5. Ikaululika mungile nkono na nnambwalele munu ajo. Inkuululika nae amini kenga mapundisho a idini yake ni laiu. Shitandi tangola shinu shavamanya vanu, badae mpwashele padyoko padyoko kumanya nyamani shipundisha Ibibiliya.
