NTADYE LILOTELO
LISHOMO LYA 9
Kulodya shididi
Lilamulo líkabadilika: “Puwanga namu avalá vapuwánga, lila namu avalá valíla.”—Val. 12:15.
Yesu atandíle nyamani?
1. Lola VIDEO, au shomya Malukushi 6:30-34. Badae jang’ula vyakudya vya mwina:
Wetu tulipundisha nyamani namu Yesu?
2. Tukavanavo shididi, tunavangaikangila vanu i bai kwamwaa wa ntenga wetu.
Njedye Yesu
3. Mwigwilile shana. Nneke avalange mwaligwidya. Haunankatishange na ata haunailudyange mwashi mwaligwidya, mangaikangilo ake au vyaita. Wako ukamwigwilila shana munu, anamanya kenga unkwangaikangila vinu vyakumbukila.
4. Nkumbukile munu alodidye lilotelo. Kulingana na mwaa wautangwele namu nae, lyudye doni:
-
‘Kulipundisha Ibibiliya namu nae kulota kumpwashela dashi mushingumi shake ambi na muwakati wamushu?’
5. Tangola vinu vilota kumpwashela. Bila kutimanga, nnodye mwashi lipundiso lya Ibibiliya mwalilota kujang’ulila vyakudya vyake na mpwashele kuvanavo shinamilo shambone.