Shwali na lipanganiange shana. Shwali pakulota haunababaikange, lola ntenga wauvalanga haunalikulupile umwene. Vika muti dimbande dikumene dyaulota kutangola shana. Tangola kwamalove lako na lipuwilo; haunashomye vila vinu vyaandikigwe mu lyaamba mwako.

Tangola na ntima wako uti. Muwakati wautangola, vakumbukile vanu vakwigwilíla mwaulatela kuvapwashalela ntenga wako. Tangola uvalola. Kwimila kwako, kwalatanga kwako na malaledi lako lavaikidile lalodye kenga shautangola ni shinu shiu na shinkuma muntima.

Valole vanu vakwigwilíla. Valole kumevo avalá vautangolanavo ikava kenga kwenu hainanyatilika shinu. Pautangola mwaa pashipinga, nnole kula munu na mwanda wake, kuleka kuvalola vanu uti kwamwanda umo.