LISHOMO 21
Mitenga vyambone vankwandadya dashi?
Muwakati wakuvandika, Yeova andatumila Utawala wake pakulota kumalidya matatisho letu. Mitenga avi vyambone, kula munu inimmaikila aigwe. Yesu andivapa vakwoda vake lilamulo pakulota vandadye mitenga avi! (Mateu 28:19, 20) Mashaidi va Yeova vankwigwilila dashi lilamulo limwe Yesu?
1. Shitangaleka mu Mateu 24:14 shinkutandeka dashi nelo?
Yesu andítangola kala davo: “Ntenga wambone wa Utawala undavalangangigwa mushilambo uti.” (Mateu 24:14) Mashaidi va Yeova vandapuwanga namene kutenda shimadengo ashi shivenavo mana. Wetu tunkwandadya mitenga vyambone mushilambo uti mu dinangodi dyakupunda 1.000! Shimadengo ashi shikumene shinkulateka dimongo na upangaji. Kwaumwiu shimadengo ashi shinkutandeka na lipwashalelo limwe Yeova.
2. Tunkulikanyalidya dashi pakulota tuvandadidye vanu?
Wetu tunkwandadya pashinu poepoe patuvakodya vanu. Kenga Vaklistu vatandi, wetu tunkwandadya “ing’ande kwa ing’ande.” (Vitendo 5:42) Kutenda davo kundatupa litala lya kutangola na vanu voe kwa kula mwaka. Tunkumanya kenga vanu voe havanapagwa pakaja, kanji wetu yadavo tunandadya mumautu lavanaumbala vanu. Wetu ngwengwe tunalambela litala pakulota kutangola na vanu kwaupande umwe Yeova na malotelo lake.
3. Da nyani avenavo madalaka lakwandadya mitenga vyambone?
Vaklistu vaiu vankuvanavo madalaka lakwandadya mitenga vyambone. Madalaka alo ni shinu shikumene kwetu. Wetu tunandadya kwodananga na dimongo dyatuvenavo, mwaa tunkumanya kenga mitenga avi vinkwambola shingumi. (Shomya 1 Timoti 4:16.) Wetu havanatulipa kwa shimadengo ashi, mwaa Ibibiliya inkushidoni: “Mwenu mupatilé monyo, namwenu momo jaula monyo.” (Mateu 10:7, 8) Ata ikava kenga vanu havanalota kwigwilila ntenga. Wetu tunauka mushu twandadya mwaa kunkutenda imbande yakulipudya kwetu na kunantadya Yeova kupuwanga.
LAMBELA KUMANYA VYOE
Manya vyoe kwaupande wakulikanyalidya kwa Mashaidi va Yeova, pakulota kwandadya mitenga vyambone mushilambo uti na lola mwashi mwatupwashalela Yeova.
Tunkwandadya mitenga vyambone mushilambo uti: A) Costa Rica, B) Estados Unidos, C) Benin, D) Tailândia, E) Yap, F) Suécia
4. Wetu tunalikanyalidya kutangola na vanu uti
Mashaidi va Yeova vandalikanyalidya namene pakulota kwandadya mitenga vyambone kwa munu woewoe. Lola VIDEO, na badae mwambangile mwaa shakudya sha mwina.
-
Nyamani shikunagwela wako kwaupande wakulikanyalidya kwavatenda Mashaidi va Yeova?
Shomya Mateu 22:39 na Valoma 10:13-15, na badae mwambangile mwaa vyakudya vya mwina:
-
Patwandadya ntenga tunkulodya dashi kenga tunkuvanagwaledya vanu?
-
Yeova ankuligwa dashi kwaupande wa avalá vandadya mitenga vyambone?—Lola nshitali:15.
5. Wetu tunkupwashalegwa namu Nnungu
Vyakumilila vyoe vinkulodya kenga Yeova ni alangalalela shimadengo shetu. Kwampano, ku Nova Zilandia nung’unumunu walina Paulu ashandadya ing’ande kwa ing’ande anínkodya nkongwe mui. Muwakati wa lyaamba nkongwe jo andíjugwa kwake Nnungu, pakulota Nshaidi wa Yeova aide amwanele. Paulu atedoni “Baada ya disaa nnatu, nangu ndiwika panango pake.”
Shomya 1 Vakolintu 3:9, na badae mwambangile mwaa shakudya sha mwina:
-
Shakumilila ashi sha ku Nova Zilandia shinkulodya dashi kenga Yeova ni alangalalela shimadengo shakwandadya ntenga?
Shomya Vitendo 1:8, na badae mwambangile mwaa shakudya sha mwina:
-
Mwaa shani wetu tunkulota lipwashalelo limwe Yeova pakulota twandadye ntenga?
Wako ushindamanya?
Mikutano vyetu vya pakati ishumana, tundapata mapundisho latupwashela mwashi mwakwandadidya ntenga. Ikava kenga wako undiwai kupagwa mu mikutano vyetu, wonela mwashi mapundisho lavatupa?
6. Wetu twigwilila lilamulo lyake Nnungu pakulota kwandadya
Mumyaka miya vitandi, vakupinga vashilota kuvaimidya vakwoda vake Yesu kwandadya ntenga. Kanji Vaklistu vandíshililidya aki yavo pakulota kwandadya “mukushililidya kwali mukwakikisha . . . ntenga wambone.” (Vapilipo 1:7) Mashaidi va Yeova vankutenda yadavo nelo. a
Shomya Vitendo 5:27-42, na badae mwambangile mwaa shakudya sha mwina:
-
Mwaa shani wetu hatuleka shinu kwandadya mitenga vyambone?—Lola mishitali 29, 38, na 39.
VANU VANJI VANKUULA KUDYA: “Mwaa shani Mashaidi va Yeova vanandadya ing’ande kwa ing’ande?”
-
Wako ulota kujang’ula dashi?
KWAUNGWIPI
Yesu andivapundisha vakwoda vake pakulota vandadye mitenga vyambone kwa vanu uti. Yeova ni avapwashela venentete vake pakulota vatende shimadengo ashi.
Tukumbukilange
-
Mitenga vyambone vinkuvalangangigwa dashi mushilambo uti?
-
Patwandadya mitenga vyambone tunkulodya dashi kenga tunkuvanagwaledya vanu?
-
Wako unkwona kenga shimadengo shakwandadya ntenga shambone? Mwaa wa nyamani?
LIPUNDISHE
Lola Mashaidi va Yeova mwavandadidya ntenga mu minjini vikumene.
Mashaidi va Yeova vankuvapwashela dashi vanu vatukuta shijoidyo?
Mwigwilile munu pavalanganga kupuwanga kwake kwa kutumila wakati pakulota kwandadya mitenga vyambone.
Manya wamushi utandeke ku ing’ande yakukumu ungila nkono kwandadya kwa mitenga vyambone.
“Wahubiri wa Ufalme Wanapeleka Kesi Mahakamani” (Ufalme wa Mungu Unatawala!, sura ya 13)
a Nnungu ni atwaulidile pakulota twandadye, ndyomana wetu kenga Mashaidi va Yeova hatunannindila munu atwaulile pakulota twandadye mitenga vyambone.
