LISHOMO 44
Da vikukulu uti vinampuwangidya Nnungu?
Yeova alota wetu tuvenavo lipuwilo na tuvenavo wakati wakupikita. Da vikukulu uti vinampuwagidya nae? Wetu tulota kulodya dashi linagwaledyo lyetu kwa shinu ashi?
1. Mwaa shani vikukulu uti havinampu- wangídya shinu Yeova?
Panji wako unkuulula kushanga ukamanya kenga vikukulu vyoe vyalakadile mu mapundisho lakaigwania na ashilá shivalanga Ibibiliya au vinkutenda imbande ya mapundisho la idini yakushang’apa. Vikukulu avi vinkuulula kwigwania na vitendo vya undamoni au vyungila nkono kenga ungumi haunapela. Vikukulu vinji vinkupagwa nkati mu vinu vyungana na uwavi au kulambela ibati. (Ishaiya 65:11) Yeova ankuvaulila vatumika vake doni: “Lyumadyange pakati pave . . . hamunakamule shinu shishapu.”—2 Vakolintu 6:17. a
2. Yeova aligwa dashi kwaupande wa vikukulu vivapa vanu ishima?
Yeova ankutulaililila pakulota hatunajole mu ntego wa ‘kuvakulupila vanu.’ (Shomya Yelemiya 17:5.) Vikukulu vinji vandipanga pakulota kuvatumbyanga vanu kenga majeshi au vananangalaledi. Vikukulu vinji vinkupa ishima shilambo au ulu wa shilambo. (1 Nshuwau 5:21) Na vikukulu vinji vinkutumbyanga makumbukililo ashiyasha au la vanu. Yeova alota kuligwa dashi ikava kenga tunatumbyanga vikukulu vivaishimu vanu au mashilika lapa ntima shii pakulota kutenda vinu víkaigwania na malotelo Lake?
3. Madyavalelo shani lanatadya shikukulu hashinave shakukubalika?
Ibibiliya inkuleya iishidoni “kwambalwa, vikukulu vyaupuju, na vyakwambalwanga.” (1 Patulu 4:3) Mu vikukulu vinji vanu havanalilaledya na vanatenda vinu vyakunyata. Pakulota wetu tuve vambodi vake Yeova, ituvaikidile tuve kushu na vitendo avi vyakunyata.
LAMBELA KUMANYA VYOE
Manya mwashi mwakumpuwangididya Yeova na mwakumidya wamushi walimanyilo kwaupande wa vikukulu.
4. Ita vikukulu víkampuwangidya Yeova
Shomya Vaepeshu 5:10, na badae mwambangile mwaa vyakudya vya mwina:
-
Nyamani shituvaikidile tumanye ikava kenga tunamuwa kuka natenda shikukulu?
-
Vikukulu shani vinatandeka ku lyutu lyaunama?
-
Wako wona kenga vikukulu avyo vinkumpuwangidya Yeova?
Kwampano, da wako undiwai kulyudya mwashi mwaonela Nnungu kwaupande wakutenda shikukulu sha liduva lyakuvalekwa? Ibibiliya hainammalanga shinu ntumika woewoe wake Yeova atandile shikukulu sha liduva lyakuvalekwa, kanji yanavo inkuvalanga vikukulu vivili vya liduva lyakuvalekwa vyavatandile vanu vakashintumikila Nnungu. Shomya Kutunduvanga 40:20-22 na Mateu 14:6-10. Badae mwambangile mwaa vyakudya vya mwina:
-
Vikukulu avi vivili vya liduva lyakuvalekwa vinkwigwania dashi?
-
Kulingana na maandiko latushamidye, wako wona kenga Yeova avenavo maoni shani kwaupande wa vikukulu vya liduva lyakuvalekwa?
Panji wako unkuulula kulyudya uushidoni, ‘da Yeova ankujali ikava kenga nangu ninkutenda shikukulu sha liduva lyakuvalekwa au vikukulu vinji víkaigwania na mapundisho a Ibibiliya?’ Shomya Kuma 32:1-8. Badae, lola VIDEO na mwambangile mwaa shakudya sha mwina.
-
Mwaa shani ni shambone kuvanavo wakika wa vinu vimpuwangidya Yeova?
-
Wako ulota kuulula dashi kutenda davo?
Tulota kuulula dashi kumanya kenga shikukulu ashi hashinampuwangidya shinu Nnungu?
-
Tushidoni shinkwigwania na mapundisho la mu Ibibiliya? Lambela kumanya shitunduvangilo shake.
-
Tushidoni shinkuvapa ishima vanu, mashilika, au shilambo? Wetu tunkumupa ishima Yeova na tukukulupila kenga nae anauka nangangola matatisho a mushilambo.
-
Tushidoni vinu vyavatenda vanu mu shikukulu asho vinkwigwania na mapundisho la mu Ibibiliya? Wetu ituvaikidile tuvenavo makumbukililo ambone.
5. Vapwashela vanu vanji kumanya shana wamushi wako
Inkuululika kuva shinu shakukamadyanga ikava kenga vanu vanji vankukukanyalidya pakulota wako utende vikukulu víkampuwangidya Yeova. Valanganga wamushi wako kwa ishima na upole. Pakulota wone mpano ulodya mwashi mwakutandela shinu asho, lola VIDEO.
Shomya Mateu 7:12, na badae mwambangile mwaa vyakudya vya mwina:
-
Kulingana na maandiko ala, tushidoni ni shambone kuvakanyalidya valikola vako pakulota havanatende vikukulu víkampuwangidya Yeova?
-
Wako ulota kuulula dashi kuvalodya valikola vako kenga ivedavo hautenda vikukulu na vanavo, hainalodya shinu kenga wako haunavanagwaledya shinu?
6. Yeova ankulota wetu tupuwange
Yeova ankulota tupite wakati wambone pamo na likola lyetu na vambodi. Shomya Nkúvalanga 8:15, na badae mwambangile mwaa shakudya sha mwina:
-
Lyaandiko ali linkulodya dashi kenga Yeova ankulota wetu tupuwange?
Yeova ankulota vatumika vake vapikite na vapite wakati wambone pamo. Lola VIDEO pakulota umanye shana shinu asho shinkwaneka dashi ngala mu mikutano vyetu vikumene vya vilambo uti.
Shomya Vagalata 6:10, na badae mwambangile mwaa vyakudya vya mwina:
-
Tushidoni ituvaikidile tupagwe mu vikukulu vyavanatenda vanu pakulota kuvapwashela vanu vanji?
-
Nyamani shilota kukuleka wako na lipuwilo—vakakukanyalidya pakulota ujaule shawadi kwamwaa wa shikukulu au kujaula shawadi kwamwaa unkulota?
-
Mashaidi va Yeova myanda vinji vanapanganianga vikukulu vidikidiki na vanavavo na vandavapa shawadi bila kulindila liduva lya shikukulu. Ikava kenga unkuvanavo vana, vinu shani vyapagweka vivaikidile uvatandele?
VANU VANJI VANKUSHIDONI: “Hainalateka shinu kulambela kumanya shitunduvangilo sha shikukulu. Shinu shambone ni kupita wakati pamo na likola na vambodi.”
-
Wako ukatee dashi?
KWAUNGWIPI
Yeova ankulota wetu tupishe wakati walipuwilo pamo na likola lyetu na vambodi. Namomo ankulota wetu tutende vikukulu vimpuwangidya nae.
Tukumbukilange
-
Vyakudya shani vilota kutupwashela wetu kumanya ikava kenga shikukulu ashi shinkumpuwangidya Yeova?
-
Tulota kuulula dashi kuvapwashela valikola vetu na vambodi kumanya mwaa shani wetu hatunatenda vikukulu víkampuwangidya Yeova?
-
Tunkumanya dashi kenga Yeova ankulota wetu tupuwange na tupikite?
LIPUNDISHE
Manya vikukulu shani vyavakatenda Vaklistu.
“Kwa Nini Mashahidi wa Yehova Hawasherehekei Sikukuu Fulani?” (Makala iliyo kwenye mtandao)
Lola dishabaa nsheshe dilodya mwaa shani wetu tunkwamini kenga kutenda vikukulu vya liduva lyakuvalekwa havinampuwangidya Nnungu.
“Kwa Nini Mashahidi wa Yehova Hawasherehekei Siku za Kuzaliwa?” (Makala iliyo kwenye mtandao)
Lola mwashi nnemba jumo mwaukidile ndalodya ishima na kupililila kupingigwa ku shikola kwamwaa mene kutenda shikukulu Shaklishimashi.
Dimilioni dya Vaklistu vandyamuwa kenga havatenda shinu shikukulu Shaklishimashi. Vankuligwa dashi kwaupande wa wamushi wavaumidye?
“Wamepata Jambo Bora Kuliko Krismasi” (Mnara wa Mlinzi, Desemba 1, 2012)
a Lola imbande igwa shana 5 pakulota umanye nyamani shikuvaikidile utende ikava kenga vanu vanji vankutenda shikukulu.
