Kenha ki nu debe resebe ku amor? Kalker algen ki bai runion. Pode ser kes ki bai pa primeru bês ô kes ki dja ten txeu ténpu ta bai. (Ro 15:7; He 13:2) Pode ser un irmon di otu país ô un inativu ki bai runion dipôs di monti anu sen bai. Imajina modi ki bu ta xintiba si bu staba na se lugar! Bu ka ta fikaba kontenti si es resebeba bo ku amor? (Mt 7:12) Nton, pamodi ki nu ka ta faze sforsu pa kunprimenta tudu algen ki nu atxa na Salon di Reinu? Kel-li ta kria un anbienti sábi di amor i ki ta da glória pa Jeová. (Mt 5:16) É klaru ki nen sénpri nu ta konsigi pâpia ku tudu algen ki bai runion. Di kalker manera, si nos tudu nu faze nos párti, tudu algen ta xinti ma el resebedu ku amor. *

Nu ka debe resebe algen ku amor sô na kes momentu spesial sima Komemorason, má na tudu runion. Óras ki kes algen ki bai runion pa primeru bês odja i xinti nos amor kriston, talvês es pode krê lova Deus i djunta ku nos na adora Jeová. — Jo 13:35.