VIVE SIMA UN KRISTON
Npenha pa idukason ki Jeová ta da
PAMODI KI É INPORTANTI: Jeová é kel Grandiozu Instrutor i el ta da-nu kel midjór idukason ki ten. El ta inxina-nu vive di midjór manera i el ta pripara-nu pa un futuru rei di sábi. Nu ka ta paga nada pa idukason ki Jeová ta da-nu! (Is 11:6-9; 30:20, 21; Ap 22:17) Através di se idukason, Jeová tanbê ta pripara-nu pa nu pâpia ku otus algen sobri mensaji ki ta salva vida. — 2Co 3:5.
MODI KI TA FAZEDU:
-
Dizenvolve kualidadis sima umildadi i mansidon. — Sal 25:8, 9.
-
Pruveta dretu di kes trenamentu ki Jeová sta da-u gósi, sima kes diziginason ki bu ta dadu na runion di meiu di simana.
-
Pensa na manera ki bu pode faze más pa Jeová i faze planus ki ta djuda-u alkansa-s. — Fil 3:13.
-
Faze sakrifisius pa bu sta kualifikadu pa resebe más trenamentu. — Fil 3:8.
ODJA VÍDIU BENSONS DI SER INXINADU PA JEOVÁ I DIPÔS RESPONDE KES PERGUNTA LI:
-
Ki difikuldadis alguns irmon i irmans konsigi vense pa es pode sisti Skóla pa Pregadoris di Reinu?
-
Modi ki Skóla pa Pregadoris di Reinu djuda kes studanti?
-
Modi ki irmons na kongregason djuda kes ki kursa Skóla na ses novu diziginason?
-
Ken ki pode bai Skóla pa Pregadoris di Reinu? (kr -T p. 189)
-
Ki otu trenamentu bu pode npenha pa el na organizason di Jeová?
Ki bensons bu pode ten si bu npenha pa idukason ki ta ben di Jeová?