Apartir di kel anu li, nu ta ben ten más ténpu pa nu pripara pa Komemorason di mórti di Kristu. Óras ki Komemorason ta kai na un dia di simana, runion Vida i pregason ka ta fazedu na kel simana. Óras ki Komemorason ta kai na un fin di simana, ka ta fazedu diskursu pa públiku i Studu di Sentinéla. Asi nu ta fika ku más ténpu pa nu pripara. Uza kes ténpu dretu. Sima na ténpu di apóstlus, ta fazedu kes priparason ki ten aver ku Komemorason. (Lu 22:7-13; km -T 3/15 p. 1) Má nos tudu nu debe pripara nos korason. Modi ki nu pode faze-l?

• Pensa pamodi ki é inportanti sisti Komemorason. — 1Co 11:23-26.

• Faze orason i pensa na modi ki bu amizadi ku Jeová sta. — 1Co 11:27-29; 2Co 13:5.

• Lé i pensa na testus di Bíblia i artigus ki ta splika siginifikadu di Komemorason. — Jo 3:16; 15:13.

Alguns publikador ta lé i ta pensa na kes párti di Bíblia ki é pa lé na ténpu di Komemorason ki ta sta na Examine as Escrituras Diariamente. Otus ta lé versíklus di Bíblia ki sta na tabéla dibaxu. Inda ten kes ki ta torna studa kes artigu di Sentinéla ki ta pâpia sobri amor ki Jeová i Jizus mostra pa nos. Ka ta nporta kal di kes prugrama di studu ki bu skodje, nu ta spéra ma es ta djuda-u bira bu amor pa Jeová i pa Jizus kada bês más fórti.