Jizus da se vida pa pesoas inperfetu. (Ro 5:8) Klaru ki nu ta da valor pa amor ki Jizus mostra-nu kantu el da se vida pa nos. Má alvês nu meste lenbra nos kabésa ma Jizus móre pa nos irmon tanbê. Sima Jizus, modi ki nu pode mostra amor pa nos irmons i irmans ki ta peka sima nos? Odja três manera. Primeru, nu debe faze amizadi ku kes algen ki é diferenti di nos. (Ro 15:7; 2Co 6:12, 13) Sugundu, nu debe ivita fla kuzas ki pode mágua otus. (Ro 14:13-15) Tirseru, si algen ofende-nu, nu debe purdua-l lógu. (Lu 17:3, 4; 23:34) Si nu kontinua ta faze nos midjór pa imita Jizus di kes manera li, Jeová ta kontinua ta abênsua nos kongregason ku pas i union.

ODJA VÍDIU BIRA UN ALGEN MÁS BUNITU! I DIPÔS RESPONDE KES PERGUNTA LI:

• Modi ki Miki xinti lógu kantu el txiga na se kongregason?

• Pamodi ki se sentimentus kumesa ta muda?

• Modi ki izénplu di Jizus djuda Miki muda se manera di pensa? (Mr 14:38)

• Modi ki Provérbios 19:11 ta djuda-nu odja nos irmons di manera puzitivu?