Pamodi ki mudjer di Ló vira róstu pa tras kantu el staba ta fuji di Sudoma? Bíblia ka ta fla pamodi. (Gén 19:17, 26) Na kes palavra di avizu ki Jizus fla, ta mostra ma talvês el tinha xintidu na kuzas ki el dexa pa tras. (Lu 17:31, 32) Kuzê ki nu pode faze pa nu ka perde aprovason di Jeová, sima kontise ku mudjer di Ló? Nu ka debe dexa kuzas material bira más inportanti na nos vida. (Mt 6:33) Jizus inxina ma nu ‘ka pode ser skravu di Deus i di Rikézas.’ (Mt 6:24) Má i si nu xinti ma kuzas material sta toma lugar di nos adorason pa Jeová? Nu pode ora pa Jeová djuda-nu odja undi ki nu meste midjora i pa da-nu koraji i forsa pa nu muda.

LENBRA DI KES TRÊS PÁRTI DI VÍDIU LEMBREM-SE DA MULHER DE LÓ I DIPÔS RESPONDE KES PERGUNTA LI:

• Modi ki preson di ganha más dinheru poi Glória ta muda se manera di pensa, di pâpia i di aji?

• Modi ki izénplu di mudjer di Ló ta sirbi di avizu pa nos oji?

• Modi ki aplika konsedjus di Bíblia djuda João i se família?

• Modi ki kolégas di trabadju afeta amizadi di Ana ku Jeová?

• Pamodi ki nu meste koraji óras ki nu ta fazedu preson pa poi dinheru na primeru lugar na vida?

• Modi ki Bruno i Glória poi adorason pa Jeová na primeru lugar otu bês?

• Ki prinsípius di Bíblia bu atxa na kel vídiu li?