Polu pidi Titu pa el ‘faze diziginasons di ansions na kada sidadi’. Oji tanbê ta sigidu kel mésmu izénplu di Bíblia li, óras ki enkaregadus di grupu di kongregason ta dizigina irmons pa ser ansions i ajudantis di kongregason.
GRUPU ENKAREGADU DI ÓBRA
Grupu enkaregadu di Óbra ta sigi kel mésmu izénplu di primeru séklu. Es da enkaregadus di grupu di kongregason kel responsabilidadi inportanti pa dizigina irmons pa ser ansions i ajudantis di kongregason.
ENKAREGADUS DI GRUPU DI KONGREGASON
Kada enkaregadu di grupu di kongregason debe analiza ku kuidadu i faze orason sobri kes rakumendason ki ansions faze. Dipôs el ta dizigina kes ómi ki sta kualifikadu.
IRMONS KI DIZIGINADU PA SER ANSIONS
Mésmu dipôs ki irmons dja diziginadu pa ser ansions, es ten ki kontinua ta sta kualifikadu di akordu ku Bíblia.
