Na kel karta ki apóstlu Polu skrebe pa Titu através di orientason di spritu santu, el skrebe ma kes ómi más jóven, i ku Titu tanbê, debe faze ses midjór pa es ser ‘un izénplu di bons óbra na tudu kuza.’ (Tit 2:6, 7) Más pa frenti, na kel mésmu kapítlu, el mostra ma Jizus ta purifikaba povu di Jeová, asi pa es pode ser ‘zelozu pa bons óbra.’ (Tit 2:14) Un di kes bon óbra é prega i inxina sobri Reinu di Deus. Si bo é jóven, bu pode uza forsa di bu juventudi pa bu ser pioneru ajudanti ô fíksu? — Pr 20:29.

Si bu ta gostaba di ser un pioneru, organiza bu vida di manera ki bu ta konsigi alkansa es obijetivu. (Lu 14:28-30) Pur izénplu, modi ki bu ta konsigi ranja dinheru pa bu sustenta bu kabésa timenti bu sta na sirvisu di pioneru? Modi ki bu ta konsigi da óra? Pidi Jeová pa djuda-u. (Sal 37:5) Pâpia ku bu mai i ku bu pai sobri bus planu. Tanbê pâpia ku kes irmon ki sta ta ten bons rezultadu na sirvisu di pioneru. Dipôs, faze kes kuza ki ta djuda-u alkansa bu obijetivu. Bu pode ten sertéza ma Jeová ta abênsua bu zelu na se sirvisu!

ODJA VÍDIU JÓVENS KI TA ONRA JEOVÁ. DIPÔS RESPONDE KES PERGUNTA LI:

• Ki prublémas alguns irmon vense pa es pode ser pioneru i modi ki es konsigi?

• Modi ki mai ku pai pode djuda ses fidjus ser pioneru fíksu?

• Pamodi ki é inportanti ten un prugrama pa pregason?

• Modi ki irmons na kongregason pode nkoraja i djuda un pioneru?

• Ki bensons pionerus pode ten?