PAMODI KI É INPORTANTI: Jeová ta faze simentis di verdadi kria na korason di ‘tudu kes ki ten inklinason pa vive pa tudu ténpu’. (At 13:48; 1Co 3:7) Si na pregason nu konsentra nos sforsu na kes ki ta seta kuzas ki es prende, nu ta mostra ma nu sta trabadja ku mésmu obijetivu ki Jeová. (1Co 9:26) Studantis di Bíblia meste ntende ma batismu é inportanti pa nu ten salvason. (1Pe 3:21) Nu ta djuda-s bira disiplus, óras ki nu inxina-s faze mudansas na ses vida, óras ki nu mostra-s modi ki es ta prega i inxina, i djuda-s didika ses vida pa sirbi Jeová. — Mt 28:19, 20.

MODI KI TA FAZEDU:

• Lenbra studantis ma obijetivu di studa é djuda-s ‘konxe’ Jeová i faze se vontadi. — Jo 17:3

• Djuda-s vense prublémas sima un ábitu mariadu i kolega ku algen mariadu. Asi bu ta djuda-s faze prugrésu spritual.

• Da-s forsa i nkoraja-s antis i dipôs ki es batiza. — At 14:22

ODJA VÍDIU JEOVÁ TA DJUDA-U I DIPÔS RESPONDE KES PERGUNTA LI:

• Medu di ki kuzas pode ka dexa un algen didika i batiza?

• Modi ki ansions pode djuda studantis di Bíblia faze prugrésu spritual?

• Kuzê ki Isaías 41:10 ta inxina-nu sobri Jeová?

• Nbóra nos é pekador, ki kualidadis ta djuda-nu sirbi Jeová di manera ki el ta seta?