Nos revistas pa públiku muda désdi anu 2018. Kada revista fika ta pâpia sô di un asuntu. Revistas Sentinéla i Nhos korda! ta faze párti di nos Feraméntas prinsipal pa inxina. Nton, nu pode uza-s na pregason. Tanbê nu pode tene alguns revista óras ki nu ta bai faze kónpra ô nu ta viaja. Nu ka ta uza revistas pa faze algen studu, má nu pode uza-s pa djuda algen prende más sobri Deus.

Dipôs di kumesa un konbérsu, lé un testu di Bíblia i pâpia di un asuntu di revistas ki pode interesa kel algen. Pur izénplu, si kel algen ten fidju, el sta tristi pamodi un se família móre ô el tene fadiga, bu pode fla-l: “Ka dura li N lé un artigu sábi sobri kel asuntu li na un revista. N pode mostra-u?” Si bu da kónta ma kel algen sta interesadu, da-l un revista ô manda-l link di kel revista, sikrê é primeru bês ki bu sta pâpia ku el. Nbóra dexa algen ku publikasons é ka nos obijetivu prinsipal, revistas pode djuda-nu atxa kes algen ki ten bon inklinason i ki krê faze kes kuza ki es ta prende. — At 13:48.