Kantu Jizus staba na Téra, el mostra ma kel mandamentu li éra inportanti: ‘Ruspeta bu pai ku bu mai.’ (Êx 20:12; Mt 15:4) Jizus ta xintiba avontádi pa fla kel-li, pamodi kantu el éra pikinoti el ‘kontinua ta obi’ ku se pai ku se mai. (Lu 2:51, nóta.) Kantu el bira grandi, el faze manera di algen kuida di se mai dipôs ki el móre. — Jo 19:26, 27.

Oji tanbê, jóvens ki ta sirbi Jeová ta ruspeta ses pai ku ses mai, óras ki es ta obi ku es i es ta pâpia ku es ku ruspetu. Kel mandamentu di ruspeta pai ku mai é pa algen di tudu idadi. Mésmu dipôs ki nos pai ku nos mai bira grandi, nu debe kontinua ta ruspeta-s. Nu ta faze kel-li óras ki nu ta pruveta di ses sabedoria. (Pr 23:22) Tanbê nu ta ruspeta nos pai ku nos mai ki dja sta grandi, óras ki nu ta kuida di es na tudu kuza ki es ta meste. (1Ti 5:8) Sikrê nos é jóven ô algen grandi, pâpia sénpri ku nos pai ku nos mai é un manera inportanti di mostra-s ruspetu.

ODJA VÍDIU DI KUADRU BRANKU MODI KI N DEBE PÂPIA KU NHA PAI I KU NHA MAI? I DIPÔS RESPONDE KES PERGUNTA LI:

• Pamodi ki bu ta atxa difísil pâpia ku bu pai ku bu mai?

• Modi ki bu pode ruspeta bu pai ku bu mai óras ki bu ta pâpia ku es?

• Pamodi ki bale péna sforsa pa bu pâpia ku bu pai i ku bu mai? (Pr 15:22)