VIVE SIMA UN KRISTON
Midjora bu manera di prega — Uza perguntas dretu
PAMODI KI É INPORTANTI: Si ‘pensamentus na korason di un ómi é sima agu ki sta fundu’, nton perguntas é sima un baldi ki ta puxa-s pa fóra. (Pr 20:5) Perguntas ta djuda-nu poi kel algen ki nu sta pâpia ku el ta partisipa na konbérsu. Respóstas pa perguntas ben skodjedu ta djuda-nu sabe kuzê ki kel algen ta pensa. Jizus uza perguntas dretu. Modi ki nu pode imita-l?
MODI KI TA FAZEDU:
-
Perguntas pa sabe kuzê ki algen ta pensa. Jizus faze se disiplus txeu pergunta pa sabe kuzê ki es sta pensaba. (Mt 16:13-16; be -T p. 238 pars. 3-5) Ki perguntas ta djuda-u sabe kuzê ki algen ta pensa?
-
Perguntas pa djuda algen pensa dretu. Pa koriji manera di pensa di Pedru, Jizus faze-l perguntas i da-l alguns respósta ki ta djudaba el txiga konkluzon sértu. (Mt 17:24-26) Ki perguntas N pode faze pa djuda un algen txiga konkluzon sértu?
-
Ilôjia kel algen. Dipôs ki un ómi ‘responde dretu’, Jizus ilojia-l. (Mr 12:34) Ki ilojiu N pode da un algen ki da un respósta sértu?
ODJA PRIMERU PÁRTI DI VÍDIU FAZE TRABADJU KI JIZUS FAZE — INXINA I DIPÔS RESPONDE KES PERGUNTA LI:
-
Pamodi ki kel-li é ka bon manera di inxina, nbóra kes informason ka sta mariadu?
-
Pamodi ki nu ka debe sô splika un asuntu?
ODJA SUGUNDU PÁRTI DI VÍDIU I DIPÔS RESPONDE KES PERGUNTA LI:
-
Modi ki kel irmon uza perguntas dretu?
-
Ki otus manera di inxina di kel irmon na vídiu nu pode imita?