TIZORUS DI PALAVRA DI DEUS | MATEUS 18-19
Toma kuidadu pa bu ka tropesa i pa bu ka faze otus algen tropesa
Jizus uza ilustrasons pa inxina-nu ma tropesa nos kabésa ô faze otus algen tropesa é un asuntu sériu.
-
Un ‘pédra di tropésu’ pode ser un kuza ki un algen faze ô un situason ki ta poi algen sigi un kaminhu mariadu ô kai na pekadu.
-
Si un algen faze otu algen tropesa é midjór si el maraba un pédra di muinhu na se piskós i el kai na mar.
Pédra di muinhu
-
Jizus konsedja se disiplus pa rinka kalker kuza, sikrê kuzas di valor, sima un mô ô un odju, si ta fazeba es tropesa.
-
É midjór nu dizisti di kuzas ki nu gosta i entra na Reinu sen kes kuza, di ki móre na Jiena, ki ta siginifika distruison pa tudu ténpu.
Na nha vida, kuzê ki pode ser un pédra di tropésu i modi ki N pode ivita tropesa nha kabésa i otus algen?
