VIVE SIMA UN KRISTON
Kontinua ta aguenta firmi timenti nu sta ta spéra ku kunfiansa
Kantu ténpu ki dja bu sta ta spéra pa Reinu di Deus ben? Bu sta ta aguenta firmi ku paxénxa, sikrê ku prublémas? (Ro 8:25) Alguns kriston ta odiadu, maltratadu, podu na kadia ô ti mésmu amiasadu di mórti. Inda ten otus ki ta lida ku prublémas gravi di saúdi ô dja sta di idadi.
Kuzê ki ta djuda-nu kontinua ta spéra ku kunfiansa sikrê ku prublémas? Pa nu kontinua ku nos fé fórti nu meste lé Bíblia tudu dia i pensa txeu na kuzas ki nu lé. Nu ten ki konsentra na nos speransa. (2Co 4:16-18; He 12:2) Nu ten ki pidi Jeová na orason i insisti pa el da-nu forsa di se spritu santu. (Lu 11:10, 13; He 5:7) Nos Pai ki ta ama-nu txeu pode djuda-nu ‘aguenta tudu kuza ku paxénxa i alegria’. — Col 1:11.
ODJA VÍDIU ‘KÓRE SEN DIZISTI’ — KRIDITA MA BU TA GANHA PRÉMIU I DIPÔS RESPONDE KES PERGUNTA LI:
-
Kuzê ki pode kontise na nos vida ki nu ‘ka sta spéra’? (Ec 9:11)
-
Modi ki orason ta djuda-nu óras ki nu sta pasa pa prublémas?
-
Si gósi nu ka sta konsigi faze kel ki nu ta fazeba antis na sirvisu di Jeová, pamodi ki nu debe konsentra na kel ki inda nu ta konsigi faze?
-
Konsentra bus odju na prémiu
Kuzê ki ta djuda-u kontinua ta ten sertéza ma bu ta ganha prémiu?
