PAMODI KI É INPORTANTI: Pesoas meste invoka nómi di Jeová pa es pode salva. (Ro 10:13, 14) Má é ka tudu algen ki ta seta studa Bíblia ki krê vive di akordu ku leis di Jeová. Nu ta uza nos ténpu di midjór manera na pregason, óras ki nu ta djuda kes ki dja prova ma es krê faze mudansas pa agrada Jeová. Si dja pasa un bon ténpu i un studanti di Bíblia ka sta faze prugrésu, ku jetu nu ta para di faze-l studu i nu ta sforsa pa djobe kes ki Jeová ta atrai pa El i pa se organizason. (Jo 6:44) É klaru ki, si na futuru kel algen faze mudansas ki ta mostra ma el ten ‘inklinason dretu pa vive pa tudu ténpu’, nu ta fika kontenti di studa ku el otu bês. — At 13:48.

MODI KI TA FAZEDU:

• Ilôjia kel studanti pamodi el krê ten konhisimentu izatu. — 1Ti 2:4

• Splika-l pamodi ki é inportanti el aplika kuzas ki el sta ta prende. — Lu 6:46-49

• Ku amor, splika-l ilustrason ki Jizus konta di kel ómi ki símia i pergunta-l kuzê ki ka sta dexa-l aplika kel ki el sta prende. — Mt 13:18-23

• Ku jetu splika-l pamodi ki bu sta para di faze-l studu.

• Dexa-l sabe ma un óra ô otu bu pode vizita-l pa nkoraja-l i ma si el faze prugrésu, nhos pode studa otu bês.

ODJA VÍDIU I DIPÔS RESPONDE KES PERGUNTA LI:

• Kuzê ki bu prende di kel konbérsu ki ta mostra ma kel studanti ka staba ta faze prugrésu spritual?

• Modi ki kel irmon djuda kel studanti ntende ma el meste fazeba mudansas?

• Modi ki kel irmon dexa kel studanti ntende ma el pode studa ku el otu bês óras ki el kumesa faze mudansas?