Óras ki bu ta odja pa un flor bunitu, pa séu xeiu di stréla, ô pa un kaxuera grandi, bu ta konsigi odja ma es é trabadju di mô di Jeová? Kes kuza ki Deus kria ta mostra-nu klaru kes kualidadi di Deus ki nu ka ta odja. (Ro 1:20) Si nu para pa nu pensa na kuzas ki Jeová kria ki sta nos frenti, nu ta konsigi odja kualidadis di Deus sima puder, amor, sabedoria, justisa i ma el é un Deus ki gosta di da. — Sal 104:24.

Kal ki é alguns di kes kuza ki Jeová kria ki bu ta odja tudu dia? Sikrê bu ta mora na un sidadi, bu pode odja alguns kriason di Jeová, sima pasus i arvis. Odja ku atenson kes kuza ki Jeová kria, pode djuda-nu ten ménus preokupason, konsentra na kuzas más inportanti i ta djuda-nu ten más sertéza ma Jeová ten kapasidadi di kuida di nos gósi i pa tudu ténpu. (Mt 6:25-32) Si bu ten fidjus, djuda-s odja kes kualidadi di Jeová ki ningen más ka ten. Sima nu ta ba ta da más valor pa kuzas ki Jeová kria, nos amizadi ku el ta fika más fórti. — Sal 8:3, 4.

ODJA VÍDIU NU TA ODJA GLÓRIA DI DEUS NA KUZAS BUNITU KI EL KRIA — LUS I KOR I DIPÔS RESPONDE KES PERGUNTA LI:

• Kuzê ki ta pô-nu odja kor?

• Pamodi ki alguns kor ta muda di akordu ku puzison ki nu sta?

• Pamodi ki nu ta odja diferentis kor na séu?

• Ki koris bunitu na kriason bu kustuma odja pértu di undi bu ta mora?

• Pamodi ki nu debe tra ténpu pa nu presta atenson na naturéza?