FAZE BU MIDJÓR NA PREGASON | MODI KI BU PODE TEN MÁS ALEGRIA NA TRABADJU DI PREGASON
Djuda bus studanti di Bíblia sisti runions
Runions na kongregason é un párti txeu inportanti na adorason verdaderu. (Sal 22:22) Tudu kes ki ta djunta pa adora Jeová ta fika kontenti di resebe se bensons. (Sal 65:4) Óras ki studantis sénpri ta sisti runions, es ta faze prugrésu más faxi.
Modi ki bu pode djuda bus studanti di Bíblia sisti runion? Kontinua ta konvida-s sénpri pa runion. Mostra-s vídiu Kuzê ki ta kontise na un Salon di Reinu?. Splika-s pamodi ki é bon es sisti runion. (lff lison 10) Pâpia ku es sobri algun kuza interesanti ki bu prende na runion i fla-s tanbê kuzê ki nu sta ba prende na kel otu runion. I bu pode da-s kes publikason ki nu sta ba uza. Tanbê djuda-s na kel ki es meste. Talvês es meste di buleia. Óras ki bus studanti sisti ses primeru runion, bu ta odja ma bale pena tudu sforsu ki bu faze. — 1Co 14:24, 25.
ODJA VÍDIU DJUDA BUS STUDANTI DI BÍBLIA SISTI RUNIONS. DIPÔS RESPONDE KES PERGUNTA LI:
-
Ki oportunidadi Nádia pruveta pa konvida Jael pa runion?
-
Pamodi ki nu ta fika kontenti óras ki un studanti sisti runion?
-
‘Di sertéza Deus sta na nhos meiu’
Modi ki Jael xinti kantu el sisti se primeru runion?
