Palavra di Deus pode transforma nos vida. (He 4:12) Má, pa nu tra pruvetu di kes orientason i konsedjus ki sta na Bíblia, nu meste sta konvensidu ma el é ‘palavra di Deus’. (1Te 2:13) Modi ki nu pode bira nos fé na Bíblia más fórti?

Lé Bíblia tudu dia. Óras ki bu ta faze bu leitura, djobe próvas ki ta mostra ma Jeová é Autor di Bíblia. Pur izénplu, analiza kes bon konsedju ki sta na livru di Provérbios i odja modi ki es ta djuda-u na bu vida oji. — Pr 13:20; 14:30.

Faze un prujétu di studu. Tenta konxe dretu kes kuza ki ta prova ma Bíblia ben di Deus. Na Guia de Pesquisa para Testemunhas de Jeová, bai na asuntus na párti “A Bíblia” dipôs “Inspirada por Deus”. Tanbê pa djuda-u ten sertéza ma mensaji di Bíblia ka mudadu, izamina kes informason ki sta na Apêndice A3 di Tradução do Novo Mundo.

ODJA VÍDIU PAMODI KI NU TEN FÉ. . . NA PALAVRA DI DEUS. DIPÔS RESPONDE KES PERGUNTA LI:

• Modi ki kel diskubérta di un paredi di ténplu na Karnak, na Ijitu, ta konfirma ma Palavra di Deus é verdadi?

  Bu respósta

• Modi ki nu sabe ma mensaji di Bíblia ka mudadu?

  Bu respósta

• Modi ki sabe ma Bíblia ka konsigi kabadu ku el ti oji, ta prova ma el é Palavra di Deus? — Lé Isaías 40:8

  Bu respósta