FAZE BU MIDJÓR NA PREGASON | MODI KI BU PODE TEN MÁS ALEGRIA NA TRABADJU DI PREGASON
Toka korason
Obi ku Jeová é un kuza ki ta ben di korason. (Pr 3:1) Pur isu, óras ki nu ta inxina, nu debe sforsa pa toka korason di ken ki nu sta pâpia ku el. Modi ki nu pode faze kel-li?
Nu ka krê sô inxina verdadis di Bíblia pa nos studantis, má nu krê pa es ntende modi ki kes verdadi ta djuda-s na ses vida i na ses amizadi ku Jeová. Djuda bu studanti ntende modi ki leis ki sta na Bíblia ta mostra amor, bondadi i justisa di Deus. Ku jetu, faze-l perguntas ki ta djuda-l odja kuzê ki el ta atxa di kes kuza ki el sta prende. Djuda-l odja modi ki se vida ta midjora si el muda alguns ábitu mariadu. Óras ki bu odja amor ki bu studanti ten pa Jeová, bu ta xinti más alegria na pregason.
ODJA VÍDIU XINTI ALEGRIA NA TRABADJU DI FAZE DISIPLUS — MIDJORA BU MANERA DI INXINA — TOKA KORASON. DIPÔS RESPONDE KES PERGUNTA LI:
-
Pamodi ki Nádia pergunta Jael: “Di kuzê ki bu ta lenbra más di nos studu?”
-
Modi ki Nádia djuda Jael ntende ma leis ki sta na Bíblia ta prova ma Jeová ta ama-l?
-
Si nu konsigi toka korason di nos studanti, el ta krê ser más amigu di Jeová
Modi ki Nádia djuda Jael ntende modi ki el pode mostra se amor pa Jeová?
