Si bu krê faze más na pregason i bu sta pensa muda pa undi ki ten más nisisidadi, bu meste ten fé. (He 11:8-10) Si bu sta pensa muda pa undi ki ten más nisisidadi, pâpia ku ansions di bu kongregason. Kuzê ki bu pode faze pa analiza si bu ta konsigi kunpri bu méta antis di skodje un lugar? Djobe publikasons ki ta pâpia sobri sirbi undi ki ten más nisisidadi. Pâpia ku irmons ki muda pa apoia un kongregason ki mesteba di ajuda. (Pr 15:22) Ora pa Jeová i pidi se orientason. (Tg 1:5) Si dja bu pensa na un lugar ki bu krê bai apoia, tenta sabe más sobri kel lugar. Si bu ta pode, antis di toma un disizon, tenta vizita kel lugar i pasa alguns dia la.

ODJA VÍDIU ENTRA PA KEL PÓRTA PA MÁS TRABADJU KU FÉ — MUDA PA UNDI KI TEN MÁS NISISIDADI. DIPÔS RESPONDE KEL PERGUNTA LI:

• Ki mudansas Gabriel tevi ki faze, i kuzê ki djuda-l?