Métas spritual ta inklui kalker kuza ki nu ten ki trabadja duru pa nu konsigi alkansa-l, asi pa nu sirbi Jeová di tudu korason i pô-l ta xinti filís. Tanbê, es ta djuda-nu bira kristons maduru i kel-li ta djuda-nu odja ma tudu kel ténpu i inerjia ki nu gasta bale péna. (1Ti 4:15) Pamodi ki sénpri nu debe analiza nos métas? Pamodi nos situason pode muda. Nu pode ka konsigi alkansa un méta ki nu tinha ô nu pode alkansa-l i nu ta meste poi otu méta.

Un bon ténpu pa nu analiza nos métas é antis di kumesa un novu anu di sirvisu. Pamodi ki nhos ka ta pâpia di kel asuntu li duránti nhos adorason na família i odja ki métas nhos pode poi?

Kal ki é alguns méta ki nhos pode poi na kes ária li, i kuzê ki nhos pode faze pa alkansa-s?