VIVE SIMA UN KRISTON
Es ta trabadja duru pa sirbi-nu
Enkaregadus di grupu di kongregason i ses mudjer ta mostra txeu amor i es ta faze sakrifisius pa kes ki es ta sirbi. Sima nos, tanbê es ten ses nisisidadi, alvês es ta fika kansadu, dizanimadu i txeu preokupadu. (Tg 5:17) Má simé, tudu simana es ta konsentra na inkoraja irmons ku irmans di kel kongregason ki es sta ta vizita. Nu ka ten dúvida ma enkaregadus di grupu di kongregason ‘debe dadu ónra dôs bês’. — 1Ti 5:17.
Kantu apóstlu Paulu faze planus pa vizita kongregason na Roma pa da kes irmon di la “algun ajuda spritual”, se obijetivu éra pa es “inkoraja kunpanheru”. (Ro 1:11, 12) Dja bu pensa modi ki bu pode inkoraja enkaregadu di grupu di bu kongregason i se mudjer si el é kasadu?
ODJA VÍDIU VIDA DI UN ENKAREGADU DI GRUPU DI KONGREGASON FÓRA DI SIDADI. DIPÔS RESPONDE KES PERGUNTA LI:
-
Di ki maneras enkaregadus di grupu di kongregason i ses mudjer ta mostra amor pa kongregason?
-
Modi ki vizita di enkaregadu di grupu di kongregason dja kustuma djuda-u?
-
Modi ki bu pode inkoraja kes irmon li?
