Vídius ta toka korason di algen más faxi pamodi é un kuza ki el ta odja i el ta obi. Ta djuda-l presta más atenson i el ta dura pa skese kel informason. Jeová é midjór izénplu di algen ki ta inxina otus ku kuzas ki es ta odja. – At 10:9-16; Re 1:1.

Kes vídiu ku téma Deus tem nome?, Quem é o autor da Bíblia? i Como podemos ter certeza de que a Bíblia é verdadeira? é pa ser uzadu na lisons 2 ku 3 di folhetu Notísias Sábi. Kes vídiu ku téma Pamodi ki nu debe studa Bíblia?, Kuzê ki é un studu di Bíblia?, i Kuzê ki ta kontise na un Salon di Reinu? ta sirbi pa nkoraja algen pa studa Bíblia ku nos ô pa sisti nos runion. Nu ten otus vídiu más kunpridu ki pode ser uzadu pa inxina studantis di Bíblia. – km 5/13 p. 3.

• Diskarega kel vídiu ki bu krê mostra, na bu tablet ô telemóvel, antis di bu bai pregason.

• Pripara un ô dôs pergunta ki respósta ta sta na vídiu.

• Odja vídiu ku el.

• Analiza kes pontu prinsipal.

• Vira párti trás di un di nos folhetu i mostra kel kódigu ki ta liga pa kel vídiu Pamodi ki nu debe studa Bíblia?.

• Mostra vídiu Como podemos ter certeza de que a Bíblia é verdadeira?, oferese folhetu Notísias Sábi i pâpia di lison 3.