PAMODI KI É INPORTANTI: Sima txeu feraménta, redi sosial pode djuda-nu txeu ô prujudika-nu. Alguns kriston ta skodje ka uza redi sosial i otus ta uza-l pa pâpia ku família i amigus. Má Satanás ka krê pa nu uza redi sosial dretu i kel-li pode straga nos nómi i nos amizadi ku Jeová. Sima Jizus faze, nu debe uza konsedjus di Palavra di Deus pa diskubri kuzas ki pode ser prigozu i ivita-s. — Lu 4:4, 8, 12.

IVITA ARMADILHAS:

• Uza redi sosial txeu dimás. Si nu pasa txeu ténpu ta uza redi sosial ô ta pâpia ku otus algen na internet, nu pode fika sen ténpu pa kuzas spritual.

  Konsedjus di Bíblia: Efé. 5:15, 16; Fil. 1:10

• Odja kuzas mariadu. Odja imajis ki ta pô-nu pensa na séksu pode leba-nu odja pornografia ô faze konportamentu seksual mariadu. Lé informason di kes algen ki ta pâpia mal di organizason ô blogs pode pô-nu perde fé.

  Konsedjus di Bíblia: Mat. 5:28; Fil. 4:8

• Poi komentárius ô fotus mariadu. Dja ki korason ta ngana-nu, un algen pode xinti dizeju di poi komentárius ô fotus mariadu na redi sosial. Má kel-li pode straga nos bon nómi ô pode pô-nu perde nos amizadi ku Jeová.

  Konsedjus di Bíblia: Rom. 14:13; Efé. 4:29

ODJA VÍDIU TOMA KUIDADU ÓRAS KI BU TA UZA REDI SOSIAL I DIPÔS LENBRA MODI KI NU PODE IVITA KES SITUASON LI: