PAMODI KI É INPORTANTI: Studu pesoal di Palavra di Deus ta djuda-nu ‘konsigi ntende dretu kal ki é largura, konprimentu, altura i fundura’ di verdadi. (Ef 3:18) Tanbê el ta djuda-nu mante sen fadja i sen kulpa na meiu di es mundu mau i kontinua ta ‘pega riju na palavra di vida.’ (Fil 2:15, 16) Na nos studu pesoal nu pode skodje kel asuntu ki nu krê studa. Modi ki nu pode tra más pruvetu di kel ténpu ki nu ta lé i studa Bíblia?

MODI KI TA FAZEDU:

• Sublinha ô skrebe nótas na Bíblia ki bu ta uza na bu studu pesoal, pode ser Bíblia na papel ô na formatu dijital.

• Faze kes pergunta li pa bo mê óras ki bu ta lé Palavra di Deus: ‘Kenha? Kuzê? Ki ténpu? Na undi? Pamodi? Modi?’

• Djobe más informason. Uza kes feraménta di piskiza ki nu ten i djobe pa asuntu ô versíklu di Bíblia.

• Midita na kel ki bu lé i odja modi ki bu pode aplika kel informason.

• Aplika na bu vida kes kuza ki bu prende. — Lu 6:47, 48.

ODJA VÍDIU STUDU PESOAL TA DJUDA-NU KONTINUA TA ‘PEGA RIJU’ NA PALAVRA DI DEUS. DIPÔS RESPONDE KES PERGUNTA LI:

• Kuzê ki alguns irmons fla sobri studu pesoal?

• Pamodi ki sénpri nu debe faze orason antis di nu kumesa studu pesoal?

• Kuzê ki pode djuda-nu ntende un asuntu di Bíblia más midjór?

• Ki tipu di sinal nu pode poi na nos Bíblia di studu?

• Pamodi ki é inportanti nu pensa na kel ki nu sta ta studa na Palavra di Deus?

• Kuzê ki nu debe faze ku kes kuza ki nu prende?