VIVE SIMA UN KRISTON
Maneras di uza JW Library
PA STUDA:
-
Lé Bíblia i testu di dia.
-
Lé Anuário, revistas, i otus publikason. Uza markador.
-
Pripara runion i sublinha respóstas.
-
Odja vídius.
NA RUNION:
-
Djobe testus di Bíblia ki ta ledu na runion. Uza histórico pa bu torna odja un testu di Bíblia ki dja ledu.
-
Enbês di leba un monti livru pa runion, leba bu tablet ku tudu kuza na el pa bu kunpanha runion i pa bu kanta kántikus. JW Library ten kes novu kántiku ki inda ka sta na nos livru di kántiku.
NA PREGASON:
-
Mostra un algen na pregason algun kuza na JW Library. Dipôs djuda-l instala JW Library i poi publikasons na se telemóvel ô tablet.
-
Uza funson di buska pa bu atxa un testu di Bíblia. Si kel frazi ki bu sta ta djobe ka sta parse na Tradução do Novo Mundo revizadu, troka pa Bíblia com Referências i faze buska otu bês.
-
Odja un vídiu. Si kel algen ki bu sta pâpia ku el ten fidju, bu pode mostra-s un di kes vídiu Torna-se Amigo de Jeová. Ô bu pode mostra-s vídiu Pamodi ki nu debe studa Bíblia pa djuda-s kria vontadi di studa Bíblia. Si kel algen ta pâpia un otu língua, mostra-l vídiu na se língua.
-
Mostra un algen un testu di Bíblia na otu língua. Pa faze kel-li bu meste ten Bíblia na kel língua dja diskaregadu. Na kel testu, klika na nunbru di versíklu i dipôs klika na boton ki ten kes Bíblia un riba di kel otu.
