Amor é sima un kóla ki ta poi família ta fika djuntu. Sen amor, ta fika difísil pa família mante unidu i pa es kolabora ku kunpanheru. Modi ki kes ki é maridu, mudjer, i kes ki é mai ku pai pode mostra amor na família?

Un maridu amorozu ta leba en kónta kuzê ki se mudjer meste, kuzê ki el ta pensa i kuzê ki el ta xinti. (Ef 5:28, 29) El ta sustenta se família i el ta djuda-s ten un amizadi fórti ku Jeová. Pur isu, sénpri es ta faze adorason na família. (1Ti 5:8) Un mudjer ki ta ama se maridu, ta obi ku el i el ta mostra-l ‘ruspetu di korason’. (Ef 5:22, 33; 1Pe 3:1-6) Es tudu dôs debe sta sénpri prontu pa púrdua kunpanheru. (Ef 4:32) Mai ku pai ki ta ama ses fidju ta da atenson pa kada un di es i es ta inxina-s ama Jeová. (De 6:6, 7; Ef 6:4) Ki prublémas ses fidju ta pasa na skóla? Modi ki es ta lida ku preson di kolégas? Óras ki ten txeu amor na família, tudu algen ta xinti suguru.

MOSTRA VÍDIU MOSTRA AMOR KI KA TA KABA NA BU FAMÍLIA. DIPÔS RESPONDE KES PERGUNTA LI:

• Modi ki un maridu amorozu ta kuida di se mudjer?

• Modi ki un mudjer ki ta ama se maridu, ta mostra-l ruspetu di korason?

• Modi ki mai ku pai ki ta ama ses fidju, ta inxina-s Palavra di Deus?