Disiplina ta sirbi pa trena-nu i pa inxina-nu, má tanbê el ta sirbi pa koriji ô pa kastiga un algen. Jeová ta disiplina-nu pa nu pode adora-l sima el ta krê. (Ro 12:1; He 12:10, 11) Alvês, disiplina pode duê, má óras ki nu aplika-l, el ta djuda-nu agrada Jeová i resebe se bensons. (Pr 10:7) Kuzê ki kes algen ki ta da disiplina i kes ki ta resebe disiplina debe lenbra di el?

Kes ki ta da disiplina. Ansions, mai ku pai i otus algen ta sforsa txeu pa da disiplina ku bondadi i amor, sima Jeová ta faze. (Je 46:28) Disiplina debe dadu di akordu ku nisisidadi di kel algen i ku amor. — Tit 1:13.

Kes ki ta resebe disiplina. Ka ta nporta di ki manera bu dadu disiplina, bu debe seta-l i faze mudansas lógu. (Pr 3:11, 12) Dja ki nos tudu é inperfetu, nos tudu meste di disiplina i el pode ben di txeu manera. Nu pode resebe disiplina através di kuzê ki nu ta lé na Bíblia i di kel ki nu ta obi na runions. I alvês alguns ta meste disiplina através di un kumison pa julga. Si nu seta disiplina di Jeová, nu ta ten un vida más filís gósi, i pa tudu ténpu. — Pr 10:17.

ODJA VÍDIU ‘JEOVÁ TA DISIPLINA KES KI EL TA AMA’. DIPÔS RESPONDE KES PERGUNTA LI:

• Modi ki irmon Canon kriadu i modi ki se vida muda?

• Ki ajuda irmon Canon resebe pa el volta pa Jeová?

• Kuzê ki se spiriénsa ta inxina-nu?