Nu sta ta vive na fin di ‘ténpu di fin’ i nu sabe ma kuzas sta ben piora kada bês más. (2Ti 3:1; ‘dór di frónta’ nóta na Bíblia di studu na Mt 24:8.) Óras ki ta kontise un dizastri, Jeová sénpri ta da-nu orientason na ténpu sértu i ki ta salva nos vida. Má pa nu skapa, désdi gósi nu debe kuida di nos amizadi ku Jeová i pripara otus kuza ki nu ta meste. — Lu 16:10.

• Kuida di nos amizadi ku Jeová: Dizenvolve bons ábitu di lé Bíblia i di faze studu pesoal. Tenta partisipa na txeu fórma di pregason. Ka bu fika dizorientadu, si bu fika siparadu di bus irmon na kongregason pa algun ténpu. (Is 30:15) Nunka bu ka ta fika siparadu di Jeová ku Jizus. — od-TPO pp. 176-177 pars. 15-17

• Otus kuza ki nu debe faze: Alén di ten un bólsa ku kuzas pa imerjénsia, kada família debe guarda kumida, agu, ramedi i otus kuza ki es pode ben meste si es ten ki fika algun ténpu sen sai di kaza. — Pr 22:3; g17.5-T pp. 4, 6

ODJA VÍDIU BU STA PRIPARADU PA UN DIZASTRI NA NATURÉZA?. DIPÔS RESPONDE KES PERGUNTA LI:

• Modi ki ten un amizadi fórti ku Jeová pode djuda-nu pripara pa un dizastri na naturéza?

• Pamodi ki nu debe. . .

  • pâpia dretu ku ansions?

  • pripara un bólsa ku kuzas pa un imerjénsia?

  • pensa na ki tipu di dizastri na naturéza pode kontise na undi ki nu ta mora i pensa na kuzê ki nu meste faze na kes situason li?

• Di ki três manera nu pode djuda kes algen ki sufri pamodi un dizastri na naturéza?

PERGUNTA BU KABÉSA: ‘Kuzê ki COVID-19 inxina-m sobri sta priparadu?’