VIVE SIMA UN KRISTON
Kontrola bus dizeju
Pamodi nos é inperfeitu, nu ten ki luta tudu dia pa kontrola nos dizejus. Si nu faze kel ki nu krê, nu pode perde nos amizadi ku Jeová. Pur izénplu, alguns algen ten más amor pa kumida, ropa i kaza di ki amor pa Deus. Otus ta satisfaze ses dizeju seksual di manera ki ta bai kóntra kes lei di Deus. (Ro 1:26, 27) I alguns ta dexa otus algen influensia-s pa faze kuzas mariadu, pamodi es ta krê pa otus algen gosta di es i pa seta-s. — Êx 23:2.
Kuzê ki nu pode faze pa kontrola nos dizejus? Nu debe faze nos midjór pa konsentra na faze kes kuza ki ta dexa Jeová kontenti. (Mt 4:4) Tanbê, nu debe inplora Jeová pa djuda-nu kontrola nos dizejus. Pamodi? Pamodi el sabe kuzê ki é midjór pa nos i el sabe modi ki el ta satisfaze nos dizejus. — Sal 145:16.
ODJA VÍDIU KA BU FUMA PA BU KA KABA KU BU VIDA. DIPÔS RESPONDE KES PERGUNTA LI:
-
Pamodi ki alguns algen ta fuma?
-
Kuzê ki pode kontise ku bo si bu fuma?
-
Pamodi ki fuma sigaru i fuma xixa é mariadu? — 2Co 7:1
-
Bu pode vense kel dizeju di krê fuma!
Kuzê ki bu pode faze pa bu ka seta fuma ô ti mésmu pa bu para di fuma?
