Pa agrada Jeová, studantis di Bíblia meste dizenvolve un fé fórti. (He 11:6) Nu pode uza livru Vive filís pa tudu ténpu! pa toka ses korason. Kel livru li ta uza testus di Bíblia inportanti, rasusinu klaru, bons pergunta, vídius ki ta motiva algen i dizenhus bunitu. Nu debe djuda studantis dizenvolve kes kualidadi ki kristons debe ten, i djuda-s tanbê ten un amizadi ku Jeová. Si nu faze si, é sima si nu sta konstrui ku kes material ki lumi ka ta konsigi kaba ku el. — 1Co 3:12-15.

Alguns algen ta atxa difísil bira amigu di Deus, pamodi es ka ta pode odja-l. Pur isu, nu debe djuda-s konxe Jeová i kunfia na el.

ODJA VÍDIU UZA LIVRU “VIVE FILÍS PA TUDU TÉNPU!” PA DJUDA ALGEN TEN FÉ NA JEOVÁ. DIPÔS RESPONDE KES PERGUNTA LI:

• Modi ki nu sabe ma kel irman pripara dretu pa faze kel studu?

• Modi ki el skodje dretu otus pergunta pa djuda kel studanti ntende Isaías 41:10, 13?

• Modi ki kel vídiu i kes versíklu di Bíblia djuda kel studanti?

Txeu algen ka ta ntende kuzê ki é resgati ô es ka ta atxa ma el é un prezenti di Deus pa es. (Gál 2:20) Pur isu, nu debe djuda-s ten fé na sakrifisiu di resgati di Jizus.

ODJA VÍDIU UZA LIVRU “VIVE FILÍS PA TUDU TÉNPU!” PA DJUDA ALGEN TEN FÉ NA JIZUS. DIPÔS RESPONDE KES PERGUNTA LI:

• Modi ki nu sabe ma kel irmon pripara dretu pa faze kel studu?

• Modi ki el uza párti “Djobe más” pa djuda kel studanti di akordu ku kuzê ki el staba ta meste?

• Pamodi ki é txeu inportanti faze orason pa studanti?