Sima fin di es sistéma sta ta txiga, nu pode spéra ma revóltas, terorismu i géra ta omenta. (Ap 6:4) Modi ki nu pode pripara pa kes dizafiu ki sta pa ben?

• Kuida di nos amizadi ku Jeová: Djobe kes prinsípiu i kes stória ki sta na Bíblia ki pode bira bu kunfiansa na jeová i na se organizason más fórti, i ki ta djuda-nu ka mete na asuntus sima géra i pulítika. (Pr 12:5; jr-T pp. 125-126 pars. 23-24) Gósi é ténpu di bira nos amizadi ku irmons na kongregason más fórti. — 1Pe 4:7, 8

• Otus kuza ki nu debe faze: Pensa na kuzê ki bu pode faze si bu situason inpidi-u di sai di kaza. Kunpra alguns kuza ki bu pode ben meste i guarda-s na kaza. Tanbê, pensa na kuzê ki bu meste faze si bu ten ki sai di kaza. Djobe kes kuza ki bu tene na bu bólsa di imerjénsia, ki ta inklui ekipamentus di proteson sima luva, maskra i tanbê dinheru. Sabe modi ki bu pode konsigi pâpia ku ansions i ten sertéza ma es ta konsigi pâpia ku bo tanbê. — Is 32:2; g17.5-T pp. 3-7

Duránti un revólta, kontinua ta faze kes kuza ki sénpri bu ta faze pa adora Jeová sima orason, studa i bai runion. (Fil 1:10) Ka bu fika ta muda di un lugar pa kel otu si ka ten nisisidadi. (Mt 10:16) Dividi kumida i kuzas ki bu ten ku otus algen. — Ro 12:13.

ODJA VÍDIU BU STA PRIPARADU PA UN DIZASTRI?. DIPÔS RESPONDE KES PERGUNTA LI:

• Modi ki Jeová pode djuda-nu óras ki kontise un dizastri?

• Kuzê ki nu pode faze pa nu pripara pa un dizastri?

• Modi ki nu pode djuda kes algen ki sufri pamodi un dizastri?