Duránti se trabadju di pregason, Jizus uza txeu kuza ki ta kontiseba na dia-dia pa inxina alguns lison. (Lu 13:1-5) Tanbê bu pode uza kes kuza ki sta kontise gósi pa poi pesoas ku interesi na mensaji di Reinu. Pur izénplu, bu pode pâpia sobri modi ki kuzas gósi sta karu, sobri un dizastri na naturéza, un revólta, vísiu na dróga ô otus kuza sima kes-li. Dipôs, faze alguns pergunta pa poi kel algen ku interesi, sima: “Bu ta atxa ma algun dia kel prubléma li ta ben kaba?” ô “Kuzê ki bu ta atxa ma pode rezolve kel prubléma li?”. Dipôs, mostra-l un testu di Bíblia ki ta pâpia sobri kel asuntu. Si kel algen mostra interesi, mostra-l un vídiu ô un publikason ki ta faze párti di nos Feraméntas prinsipal pa inxina. Nu sforsa i nu ‘faze tudu kuza pa notísias sábi’, asi pa nu pode toka korason di pesoas na nos tiritóriu. — 1Co 9:22, 23.

Ki kuzas ki kontise ka dura li pode interesa pesoas na bu tiritóriu?