VIVE SIMA UN KRISTON
Odja bu kabésa sima Jeová ta odja-u
‘Jeová ta fika kontenti ku se povu’. (Sal 149:4) Enbóra nos é inperfeitu, el ta odja kes bon kualidadi ki nu ten i kuzê ki nu pode ben faze na futuru. Má alvês pode ser difísil ten un ideia ikilibradu sobri nos kabésa. Nu pode xinti sen valor pamodi manera ki otus algen ta trata-nu. Ô, si nu konsentra na kes éru ki nu faze na pasadu, nu pode fika ku dúvida si Jeová ta ama-nu di verdadi. Kuzê ki pode djuda-nu óras ki nu ta ten kes tipu di sentimentu li?
Lenbra ma Jeová ta odja kuzê ki ómis ka ta konsigi odja. (1Sa 16:7) Kel-li krê fla ma el ta konsigi odja kuzas na nos ki nu ka ta konsigi odja. Inda ben, ki Bíblia ta djuda-nu intende modi ki Jeová ta odja-nu. Nu pode intende kel-li óras ki nu ta lé kes versíklu i stórias na Bíblia ki ta mostra modi ki Jeová ten txeu amor pa kes ki ta adora-l.
ODJA VÍDIU KONVENSE BU KORASON. DIPÔS RESPONDE KES PERGUNTA LI:
-
Kuzê ki kel ilustrason di un koredor ku se pai ta inxina-nu sobri modi ki Jeová ta odja-nu?
-
Si un algen faze un pekadu grávi má el faze kes kuza ki meste pa el bira amigu di Jeová otu bês, modi ki el pode konvense se korason ma Jeová dja purdua-l? — 1Jo 3:19, 20
-
Modi ki lé i midita na stória di Davidi ku Jeozafá djuda kel irmon?
