PAMODI KI É INPORTANTI: Livru di 1 Coríntios é un di kes 14 karta ki apóstlu Polu skrebe pa nkoraja se irmons na fé. Óras ki un algen ta skrebe karta, el ten ténpu pa skodje bons palavra. Kel algen ki resebe kel karta, pode le-l sénpri ki el krê. Kartas é un bon manera di da tistimunhu pa nos família i otus algen ki nu konxe. Tanbê é un bon manera di da tistimunhu pa kes algen ki nu ka ta konsigi pâpia ku es. Pur izénplu, alguns algen pode mostra algun interesi, má é ka faxi nu atxa-s na kaza. Tanbê é ka faxi atxa kes algen na nos tiritóriu ki ta mora na prédius ku txeu suguransa, na kes grupu di kazas serkadu ki ten guardas na porton ô kes algen ki ta mora na lugaris lonji. Di kuzê ki nu debe lenbra óras ki nu ta skrebe un karta pa un algen stranhu?

MODI KI TA FAZEDU:

• Fla kel algen mésmu kuza ki bu ta flaba el, si bu staba djuntu ku el. Na komésu di karta dexa-l sabe abo é kenha i pamodi ki bu sta skrebe-l. Talvês, bu pode faze-l un pergunta pa el pensa na el i txoma se atenson pa nos site. Dipôs fla-l sobri nos Curso da Bíblia On-line, na purtugês, ô nos prugrama di studa Bíblia na kaza di pesoas. Distaka alguns kapítlu di un di nos publikason di studu. Tanbê bu pode poi djuntu ku kel karta alguns publikason sima un karton di kontatu, un konviti ô un folhetu.

• Bu ka meste faze un karta kunpridu, sinon kel algen pode kansa di le-l. — Odja izénplu di un karta.

• Djobe si kel karta tene éru i si el sta faxi di lé. Skrebe di un manera ki ta mostra ruspetu, ki kel algen ta xinti ma bu ta preokupa ku el i konsentra na kuzas dretu. Konfirma ma bu poi sélu ki ta txiga.