TIZORUS DI PALAVRA DI DEUS | JÓ 1-5
Jó mante lialdadi pa Jeová kantu el pasa pa próva
Jó ta viveba na Us na ténpu ki israelitas éra skravu na Ijitu. Nbóra el ka éra israelita, Jó éra un adorador lial di Jeová. El tinha un família grandi, txeu rikéza i el ta daba bon izénplu na se zona. Monti algen ta djobeba el pamodi el ta daba bons konsedju i el ta fazeba julgamentu sen faze skodjénsa. El éra fadjadu ku pobris i ku koitadu. Jó éra un ómi lial.
Jó mostra klaru ma Jeová éra algen más inportanti na se vida
1:8-11, 22; 2:2-5
-
Satanás odja ma Jó éra lial pa Jeová. El ka nega ma Jó ta obiba ku Jeová; má el labanta dúvida sobri kal ki éra intenson di Jó.
-
Satanás fla ma Jó ta sirbiba Jeová sô pa interesi.
-
Pa responde kuzê ki Satanás fla kóntra Jó, Jeová dexa-l ataka kel ómi fiel. Satanás traze Jó un monti disgrasa na se vida.
-
Kantu Jó mante se lialdadi pa Jeová, Satanás labanta dúvida si tudu ómi ta ser lial pa Jeová.
-
Jó ka peka i nen el ka fla ma Deus faze algun kuza mariadu.
