FAZE BU MIDJÓR NA PREGASON
Midjora bu manera di prega — Faze bu aprizentason di revista
PAMODI KI É INPORTANTI: Nbóra kes aprizentason ki ta ben na folhetu di runion ta da-nu bon ajuda, es é sô pa da-nu un ideia. Bu pode fla-s di bu manera. Bu pode skodje un aprizentason diferenti pa bu faze ô un otu asuntu ki é midjór pa bu teritóriu. Ô nton, dipôs ki dja bu kaba di lé revista, ki dja bu analiza modi ki ta fazedu aprizentason, i odja dimonstrason di vídeo, bu pode uza kes ideia pa bu faze bu própi aprizentason.
MODI KI TA FAZEDU:
Pergunta bu kabésa: ‘N krê uza un di kes manera di faze aprizentason?’
SIN
-
Pripara palavras ki bu krê fla na komésu. Dipôs di kunprimenta sima é nos ábitu, fla kal ki é razon di bu vizita. (Izénplu: “N sta li pamodi. . .”)
-
Pensa modi ki bu ta pasa di pergunta pa testu di Bíblia, i dipôs pa oferese publikason. (Izénplu: Pa kumesa ku testu di Bíblia, bu pode fla: “Un bon respósta pa es pergunta sta li na. . .”)
NAU
-
Skodje un asuntu ki sta na revista ki ta interesa pesoas na bu tiritóriu.
-
Skodje un pergunta pa bu sabe opinion di kel algen i faze-l di un manera ki ta pô-l pensa. Má ka bu faze pergunta ki ta pô-l ta fika sen jetu. (Izénplu: Kes pergunta ki ta parse na pájina dôs di nos revistas.)
-
Skodje testu pa lé. (Si bu sta oferese Despertai! bo é ka obrigadu lé un testu di Bíblia, dja ki es revista é pa kes ki ten poku konhisimentu di Bíblia i ti ta diskúnfia di relijion.)
-
Pripara un ô dôs frazi pa splika algen ki bu sta fala ku el modi ki kel artigu ta djuda-l.
NA KADA SITUASON
-
Pripara un pergunta pa responde na revizita.
-
Skrebe un nóta pa djuda-u lenbra ki asuntu bu sta ba fala.
