Na dia 23 di marsu, nu ta spéra na mundu interu uns 12 milhon ô más di konvidadus, pa sisti Komemorason di mórti di Jizus. Es ta ba resebe un grandi tistimunhu na un diskursu ki ta fala di prezenti di resgati i alguns benson ki el ta traze-nu na futuru! (Is 11:6-9; 35:5, 6; 65:21-23; Jo 3:16) Má, é ka sô kel algen ki ta faze diskursu ki ta da tistimunhu na es runion spesial. Nos tudu nu pode da tistimunhu na manera ki nu ta resebe nos konvidadus. (Ro 15:7) Li sta alguns ideia.

• Enbês di ba xinta na bu lugar i spéra pa prugrama kumesa, resebe nos konvidadus i irmons inativu ku sorizu na róstu i kunprimenta-s ku karinhu.

• Da atenson spesial pa bus konvidadus, má tanbê sta atentu pa bu kunprimenta kes konvidadu ki resebe konviti na kanpanha. Konvida-s pa es xinta djuntu ku bo. Dexa-s odja na bu Bíblia i na bu livru di kántiku.

• Dipôs di diskursu, bu pode oferese pa responde-s ses pergunta. Si ténpu é poku pamodi bu kongregason meste sai pa otu kongregason entra, konbina ku es pa vizita-s déntu di alguns dia. Si bu ka ten ses nderésu, bu pode fla: “N ta gostaba di sabe kuzê ki bu atxa di Komemorason. Ten algun manera pa nu inkontra?”