18 ti 24 di novenbru
SALMOS 107-108
Kántiku 7 i orason | Komentárius pa kumesa runion (1 min.)
1. ‘Agradese Jeová, pamodi el é bon’
(10 min.)
Sima Jeová liberta Israel di Babilónia, tanbê el liberta-nu di mundu di Satanás. (Sal 107:1, 2; Kol 1:13, 14)
Nos gratidon pa Jeová ta motiva-nu pa nu lova-l na kongregason. (Sal 107:31, 32; w07-T 15/4 p. 20 par. 2)
Nos gratidon pa Jeová ta omenta óras ki nu ta pensa na tudu kuza ki dja el faze pa nos. (Sal 107:43; w15-T 15/1 p. 9 par. 4)
2. Jóias ki sta na Bíblia
(10 min.)
-
Sal 108:9 — Pamodi ki Moabe ta konparadu ku ‘basia’ ô ‘panéla’ di Deus? (it-2-T p. 396)
-
Ki jóias bu atxa na leitura di Bíblia di kel simana li?
3. Leitura di Bíblia
(4 min.) Sal 107:1-28 (th studu 5)
4. Kumesa ta pâpia ku pesoas
(3 min.) TISTIMUNHU INFORMAL. (lmd lison 1, pontu 4)
5. Faze revizitas
(4 min.) TISTIMUNHU INFORMAL. Pâpia ku un algen sobri modi ki nu ta studa Bíblia ku pesoas, i da-l un karton di kontatu di studu di Bíblia. (lmd lison 9, pontu 3)
6. Diskursu
(5 min.) ijwyp artigu 90 — Téma: Modi ki N pode ivita pensa di manera negativu? (th studu 14)
Kántiku 46
7. Nu ta kanta pa agradese Jeová
(15 min.) Diskursu i komentárius di ken ki sta sisti.
Dipôs ki Jeová salva israelitas di kes trópa poderozu di Ijitu na Mar Brumedju, se povu kumesa ta kanta altu pa el. (Êx 15:1-19) Kes ómi kumesa ta kanta kel múzika novu. (Êx 15:21) Jizus i kes kriston di ténpu di apóstlus ta kantaba pa lova Deus. (Mt 26:30; Kol 3:16) Nu ta kontinua ta mostra nos gratidon pa Jeová óras ki nu ta kanta na runions, asenbleias i kongrésus. Pur izénplu, kel kántiku ki nu kanta gósi li ku téma “Obrigadu, Jeová”, sta ta kantadu na nos runions désdi anu di 1966.
Na alguns lugar, ómis pode xinti vergónha di kanta na meiu di algen. Otus algen pode xinti medu di kanta pamodi es ta atxa ma es ka ten un vós sábi. Má, nu debe lenbra ma kanta na nos runions ta faze párti di nos adorason. Organizason di Jeová ta sforsa txeu pa faze kántikus ku létra bunitu i pa skodje kal di es ki nu ta kanta na kada runion. Nu ten kel párti más fásil, ki é djunta nos vós i kanta pa nu mostra nos amor i gratidon pa nos Pai ki sta na séu.
Mostra VÍDIU Nos organizason ka ta para — Múzika é un prezenti, párti 2. Dipôs faze kes pergunta li:
-
Kuzê ki kontise na anu di 1944?
-
Modi ki nos irmons na Sibéria mostra ses amor pa kes kántiku di Reinu?
-
Pamodi ki kanta é un kuza inportanti pa Tistimunhas di Jeová?
8. Studu di Bíblia na kongregason
(30 min.) bt kap. 18 pars. 6-15
