VIVE SIMA UN KRISTON
Kristons verdaderu é konxedu pa amor — Ka bu djobe sô bus interesi i ka bu xâtia faxi
PAMODI KI É INPORTANTI: Jizus inxina ma se disiplus ta sérba konxedu pa amor ki es ten pa kunpanheru. (Jo 13:34, 35) Pa mostra amor sima di Jizus, nu debe preokupa ku interesi di otus algen i ivita xâtia faxi. — 1Co 13:5.
MODI KI TA FAZEDU:
-
Óras ki un algen fla ô faze un kuza ki ta magua-nu, nu debe para i pensa pamodi ki kel-la kontise i kal ki ta ser rezultadu si nu responde ô aji sen pensa. — Pr 19:11
-
Nu debe lenbra ma nos tudu é pekador, i alvês nu ta fla ô nu ta faze kuzas ki dipôs nu ta rapende.
-
Nu debe rezolve prublémas lógu ki es kontise.
ODJA VÍDIU ‘NHOS TEN AMOR PA KUNPANHERU’ — KA BU DJOBE SÔ BUS INTERESI I KA BU XÂTIA FAXI, I DIPÔS RESPONDE KES PERGUNTA LI:
-
Modi ki Luís reaji kantu Juzé da-l un sujiston?
-
Kuzê ki djuda Juzé ivita responde mariadu?
-
Kal ki foi rezultadu di respósta kalmu di Juzé?
Modi ki nu ta djuda kongregason si nu ka ta xâtia faxi óras ki nu maguadu?
